O‘zbekiston Yoshlar ishlari agentligi Qoraqalpog‘iston Respublikasi boshqarmasi tashabbusi bilan Qo‘ng‘irot tumanida «Yoshlar forumi» o‘tkazildi.

Forumda «Salomatlik uchun 5000 qadam» marafoni, “FLASHMOB” zamonaviy raqs tanlovi, «Motivator» mavzuida yetakchilar o‘quv-seminari, «Zakovat» intellektual o‘yini, «Yoshlar sog‘lom turmush tarafdori» shiori ostida mini-futbol musobaqasi hamda «Yoshlar 1+1» dasturi asosida o‘quv kurslarini tamomlagan yoshlarga imtiyozli kreditlarni topshirish marosimi bo‘lib o‘tdi.

[gallery-1876]

Tadbir doirasida shuningdek, yoshlarni tadbirkorlik faoliyatiga qiziqtirish maqsadida tuman bandlikka ko‘maklashish markazi tomonidan hududdagi ishlab chiqarish korxonalariga biznes sayohat tashkil etildi.

Forum yakunida tadbirlarda faol ishtirok etgan yoshlarga maxsus diplom va esdalik sovg‘alari topshirildi. Tuman madaniyat bo‘limi tomonidan taniqli san’atkorlar hamda yosh iste’dodlar ishtirokida tashkil etilgan konsert dasturi barchaga ko‘tarinki kayfiyat baxsh etdi.

Maqsad HABIBULLAEV (surat), O‘zA