Божхона қўмитаси матбуот хизматининг хабар беришича, Тошкент вилояти божхона бошқармаси “Ғишткўприк” чегара божхона пости орқали юртимизга кириб келган йўловчиларни ташувчи автобус белгиланган тартибда кўздан кечирилди.

Божхона назорати натижасида автобус салонида хуфиёна яширилган, хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган умумий қиймати 150 млн. сўмлик 38 дона “iРhone” русумли уяли алоқа воситалари борлиги аниқланди.

Ҳозирда мазкур ҳолат юзасидан терговга қадар текширув ҳаракатлари олиб борилмоқда.

Ш.Маматуропова, ЎзА