Қитъа чемпионатида зафар қучган матонат соҳиблари кутиб олинди
Тожикистонда велошоссе бўйича паралипия йўналишидаги баҳсларда 6 та олтин, 3 та кумуш ва 1 та бронза медалини қўлга киритган матонатли спортчиларимиз 10 та мамлакат орасида умумжамоада биринчи ўринга сазовор бўлди.
6Ватанимиз шарафини муносиб ҳимоя қилган ғолиб спортчиларимиз 26 март куни пойтахтимизга қайтиб келишди.
Ғолиб ва совриндор ирода соҳиблари Азизахон Қосимова, Авазхон Полвонов, Ғолиббек Мирзаёров, Азиз Атаходжаев, Баҳодир Одинаев, Одина Ҳамдамова, Аброр Ортиқов, Азимбек Абдуллаев, Саиджаббор Дадахонов ҳамда Бунёд Ҳайитмуҳаммадовдан иборат спортчиларимиз делегациясини пойтахтимиздаги Ислом Каримов номидаги Тошкент халқаро аэропортида спортни ривожлантириш вазири ўринбосари Шаҳрулла Маҳмудов етакчилигидаги мутасаддилар, кенг жамоатчилик вакиллари тантанали кутиб олди.
Т. РЎЗИЕВ, ЎзА