Қишки олимпия ўйинларида қанча томошабин қатнашади?
Бу ҳақда Пекинда якунланган Халқаро олимпия қўмитасининг 139-сессиясида ўйинларни ўтказиш ташкилий қўмитаси вакиллари ахборот берди.
Ахборотда келтирилишича, Пекин-2022 ўйинларининг мусобақаларида 150 000га яқин томошабинларнинг келиши кутилмоқда.
Пекин-2022 мусобақалари учун чипталар оммавий сотилмайди. Хитойлик томошабинларни тадбирларга таклиф қилишнинг махсус тизими ишлаб чиқилган.
Мухлислар фақат Пекин ва Чжанжиакудаги мусобақаларда қатнашиши белгиланган.
Қишки олимпия ўйинларининг тоғ чанғиси ва глидинг бўйича мусобақалар ўтказиладиган Янсин шаҳрида томошабинлар иштирок этиши тақиқланган.
Т. Рўзиев, ЎзА