Италиянинг Милан ва Кортина-д’Ампеццо шаҳарлари мезбонлик қилаётган Қишки олимпия ўйинларининг 19 февраль кунги баҳслари якунига кўра, медаль жамғариш борасида ҳамон норвегиялик спортчилар пешқадам бўлиб турибди.

Жумладан, Норвегия делегацияси ҳисобидаги медаллар сони айни дамга келиб 16 та олтин, 8 та кумуш ва 10 та бронза, жами ўттиз тўрттани ташкил этмоқда. АҚШ вакиллари эса  9 та олтин, 12 та кумуш ва 6 та бронза медални қўлга киритиб, иккинчи ўринга кўтарилиб олган бўлса, Италия кечаги баҳсларда медаль жамғара олмади ва 9 та олтин, 5 та кумуш ва 12 та бронза билан учинчи поғонага тушди.

Шунингдек, Франция (6-8-5), Нидерландия (6-7-3), Швеция (6-6-3), Швейцария (6-4-4), Германия (5-8-8), Австрия (5-8-5) ва Япония (5-7-12)  4-10 поғоналарни банд этмоқда.

Маълумот учун, XXV қишки Олимпия ўйинларининг бугун, 20 февраль кунги дастуридан кёрлинг, биатлон, коньки, хоккей, бобслей ва фристайл спорт турлари бўйича баҳслар ўрин олган.

Жавоҳир Тошхўжаев, ЎзА