Қишки Олимпия байроғи Италиянинг Милан ва Кортина-д'Ампеццо шаҳарлари мэрларига топширилди
“REGNUM” хабарига кўра, Пекиндаги XXIV қишки Олимпиада ўйинларининг ёпилиш маросимида Халқаро Олимпия қўмитаси президенти Томас Бах олимпия байроғини 2026 йилда бўлувчи келгуси қишки Олимпия ўйинлари ўтувчи Италиянинг Милан ва Кортина-д'Ампеццо шаҳарлари мэрларига топширди.
Айтиш жоиз, Италия охирги марта 2006 йилда Олимпия ўйинларини қабул қилган, мусобақалар Туринда бўлганди. Кортина-д'Ампеццода эса 1956 йилги ўйинлар ўтказилган.
Маълумот ўрнида, якунига етган Пекиндаги қишки Олимпиядада Норвегия 16 олтин, 8 кумуш ва 13 та бронза медаль билан биринчи ўринни эгаллади.