2022 йилнинг 4-20 февраль кунлари Хитой пойтахти Пекинда XXIV қишки олимпиада ўйинлари бўлиб ўтади.

Халқаро олимпия қўмитаси сайтининг маълум қилишича, Пекинда ўтадиган олимпия ўйинларига эпидемиологик вазият сабабли хорижий томошабинлар қўйилмайди.

"Чипталар фақат Хитойда яшовчи, "CОВИД-19" чораларига мос келадиган томошабинларга сотилади. Бу чораларга қўйиладиган аниқ талаблар муҳокама қилинмоқда ва ишлаб чиқилмоқда. Улар вақти келганда жамоатчиликка эълон қилинади", дейилади хабарда.

Коронавирусга қарши тўлиқ эмланган барча спортчилар Пекинга етиб келгач, 21 кунлик карантинга олинади. ЖССТ ёки тегишли ташкилотлар томонидан тан олинган ёки тегишли мамлакатлар ёки минтақалар томонидан расман тасдиқланган барча вакциналар қабул қилинади.

Келгуси йилнинг 23 январидан ўйинларнинг хавфсиз ўтказилишини таъминлаш учун ёпиқ бошқарув тизими жорий этилади. Бу ўйинлар билан боғлиқ барча соҳаларни қамраб олади. Келиш ва кетиш, транспорт, турар жой, овқатланиш, мусобақалар, очилиш-ёпилиш маросимлари. 

Иштирокчиларга фақат машғулотлар, мусобақалар ва олимпия ўйинлари манзиллари билан боғлиқ мажмуалар ўртасида ҳаракатланишга рухсат берилади. Ўйинлар учун махсус транспорт тизими жорий этилади.

Тўлқин Рўзиев, ЎзА