Qish kunlari gaz ta’minotida uzilishlarning oldini olish choralari ko‘rilmoqda
Farg‘ona viloyati O‘zbekiston tumanida kuz-qish mavsumida aholi xonadonlari va ijtimoiy ob’ektlar uchun gaz ta’minotini barqarorlashtirish, turli sabablarga ko‘ra uzilishlarning oldini olish hamda odamlarning bu boradagi haqli e’tirozlariga yechim topish chora-tadbirlariga alohida e’tibor qaratilmoqda.
“Hududgaz Farg‘ona” mas’uliyati cheklangan jamiyati O‘zbekiston tuman filiali tomonidan ayni paytda 10 ming 447 iste’molchiga tabiiy gaz va 34 ming 260 ta xonadonga suyultirilgan gaz yetkazib beriladi.
Shu kunlarda filial xodimlari aholini shartnoma asosida gaz ballonlari bilan ta’minlash qatorida sog‘liqni saqlash va xalq ta’limi muassasalarida isitish mavsumiga tayyorgarlik ishlarini qizg‘in sur’atda yakunlamoqda.
[gallery-14704]
Muqimjon QODIROV (surat), O‘zA