Кўча-кўйда, аҳоли орасида: “ёз бу йил иссиқ бўлди, қиш совуқ келаркан”, “газ босими паст бўларкан” деган гаплар бот-бот қулоққа чалинади. Лекин қиш ғамини кўриб қўйганлар, уйини ёки ишхонасини замонавий иситиш мосламалари билан таъминлаб олганлар учун бу долзарб мавзу эмас.

Ҳа, бугун дунёда шундай технологиялар яратилганки оз босимли газ, кам қувватли электр-энергияси ёхуд қуёш панеллари билан ҳар қандай бино-иншоотларни тез фурсатда, етарлича ҳароратда иситиш мумкин. Ушбу янгиликларни 7-9 октябрь кунлари “Ўзэкспомарказ” павильонларига ташриф буюриб, билиб олиш мумкин бўлади. 13-Халқаро кўргазмада вентиляция, ҳавони совутиш ва иситиш мосламалари, сув таъминоти, сантехника ва экологик тоза технологиялар бўйича замонавий ечимлар таклиф этилмоқда. 

Унда 13 давлатдан 175 та компания иштирок этмоқда. Уларнинг стендларидан радиаторлар, замонавий қозонхоналар, “иссиқ пол” тизимлари, ҳавони совутиш ва иситиш, вентиляция тизимлари, клапанлар, фильтрлар, насослар, редукторлар, маиший ва муҳандислик техникалари, сантехника каби юзлаб долзарб маҳсулотлар ўрин олган. 

Кўргазма доирасида нуфузли компанияларнинг тақдимот маросимлари, учрашувлар, шартномалар имзолаш, маҳорат дарслари бўлиб ўтади. Бу орқали ташриф буюрувчилар уйларини, бино ва иншоотларини иситиш бўйича энг мақбул ечимлар ҳақида кенг маълумот олиш учун имкон яратилади.

<iframe width="650" height="420" src="https://www.youtube.com/embed/_7s6hSOB26M" title="Қиш бу йил совуқ келаркан, уйни қандай иситамиз?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Дониёр Якубов, Улуғбек Тўхтаев, ЎзА