Qirg‘iziston prezidenti Sadir Japarov turk tadbirkorlarini Qirg‘izistonda qo‘shma korxonalar ochishga chaqirdi.

“REGNUM” davlat rahbarining matbuot xizmati ma’lumoti asosida xabar bergan.  

“Bundan buyon qirg‘iz vazirlari investorlar ortidan yuradi, aksinchasi bo‘lmaydi.  

Investorlar – har bir davlat uchun harakatlantiruvchi kuch, buni hamma tushunishi kerak”, dedi u.  

Japarov qirg‘iz hukumati turk kompaniyalari Qirg‘izistonga investitsiya kiritishidan manfaatdor ekanini aytib, Qirg‘iziston turk tadbirkorlari uchun Yevroosiyo iqtisodiy ittifoqi davlatlari va Xitoy bozoriga “yo‘lak” ochib berishga tayyorligini ma’lum qildi.