Qirg‘izistonda Rossiya Bosh vaziri Mixail Mishustin raisligida Shanxay hamkorlik tashkiloti mamlakatlari hukumat rahbarlari kengashining kengaytirilgan tarkibdagi majlisi boshlandi, deb xabar tarqatdi “RIA Novosti” agentligi.

Tadbir boshlanishi oldidan delegatsiya rahbarlari ishtirokida qutlov marosimi bo‘lib o‘tgan. Shuningdek, ular Prezident Sadir Japarov bilan yopiq rejimda uchrashuv o‘tkazgan.

Xabar qilinganidek, bugungi yig‘ilishda hukumat rahbarlari tuzilmaga a’zo davlatlar o‘rtasida savdo-iqtisodiy, madaniy-gumanitar va boshqa sohalardagi hamkorlikni yanada chuqurlashtirish choralari hamda istiqbolini muhokama qiladi.

Bishkekda Yevrosiyo hukumatlararo kengashi va Mustaqil Davlatlar Hamdo‘stligi mamlakatlari hukumat rahbarlari majlisi ham bo‘lib o‘tadi.