Қирғизистонда рўй берган автоҳалокатда россиялик уч нафар чегарачи қурбон бўлди
Қирғизистоннинг жанубида уч нафар Россия чегарачилари автоҳалокат оқибатида ҳалок бўлди, деб хабар берди сешанба куни Қирғизистоннинг Ўш шаҳридаги бош консуллиги РИА Новостига.
Бош консулликнинг берган маълумотига кўра, 26 июль куни тунда Hyundai Santa Fe русумли машина ҳайдовчиси бошқарувни йўқотиб, катта тезликда реклама тахтасига бориб урилган. Кейинроқ йўл ҳаракати хавфсизлигини таъминлаш Бош бошқармаси матбуот хизмати автоҳалокатда россиялик уч нафар чегарачи ҳалок бўлганини маълум қилган.
"Ҳалок бўлганлар Россия Федерацияси чегара хизмати ҳарбий хизматчилари бўлган", – дейилади Россия бош консуллиги вакилининг РИА Новостига берган хабарида.