Қирғиз Республикаси Конституциявий суди Садир Жапаровнинг илтимосномасига кўра, Конституциянинг президентлик ваколат муддатига оид моддаларига расмий изоҳ берди, деб хабар бермоқда “Kazinform” ахборот агентлиги.

Таъкидланишича,бир марта бошланган президентлик муддати дастлаб белгиланган олти йиллик муддат ичида якунланиши керак. Бундан ташқари, амалдаги президентнинг олти йиллик муддати икки муддатлик бошқарувга кўра биринчи муддат ҳисобланади. Муддатидан олдин президент сайловини ўтказиш давлат раҳбарининг ўз аризасига кўра истеъфога чиқиши, белгиланган тартибда лавозимдан четлаштирилиши, касаллик ёки ўлим туфайли ўз ваколатларини амалга ошира олмаслиги туфайли амалга оширилади.                                                           

Қайд этилишича, муддатидан олдин президентлик сайловлари “сценарийси” ҳуқуқий жиҳатдан истисно қилинган.                                     

Қирғиз Республикасида навбатдаги президентлик сайловлари 2027 йилнинг 24 январида бўлиб ўтади, дейилади суд қарорида.

Г.Сатторова, ЎзА