Chuy viloyatining Kemin tumanida mamlakatdagi birinchi quyosh elektr stansiyasi ishga tushirildi, deya xabar bermoqda “Kazinform” axborot agentligi.   

Ta’kidlanishicha, 100 megavatt quvvatga ega stansiya taxminan 210 millionkVt/soat toza elektr energiyasi ishlab chiqaradi va karbonat angidrid chiqindilarini 120 ming tonnaga kamaytiradi. 

Investitsiyalar jami 56 million dollarni tashkil etdi va bu loyihani quyosh energiyasiga kiritilgan eng yirik sarmoyalardan biriga aylantirdi.     

Stansiyani ishga tushirish marosimida Qirg‘iz Respublikasi prezidenti Sadir Japarov qayta tiklanuvchi energiya manbalarini faol rivojlantirmasdan turib, aholi va xo‘jalik yurituvchi sub’ektlarni barqaror elektr energiyasi bilan to‘liq ta’minlash mumkin emasligini ta’kidladi.

G.Sattorova, O‘zA