Чуй вилоятининг Кемин туманида мамлакатдаги биринчи қуёш электр станцияси ишга туширилди, дея хабар бермоқда “Kazinform” ахборот агентлиги.   

Таъкидланишича, 100 мегаватт қувватга эга станция тахминан 210 миллионкВт/соат тоза электр энергияси ишлаб чиқаради ва карбонат ангидрид чиқиндиларини 120 минг тоннага камайтиради. 

Инвестициялар жами 56 миллион долларни ташкил этди ва бу лойиҳани қуёш энергиясига киритилган энг йирик сармоялардан бирига айлантирди.     

Станцияни ишга тушириш маросимида Қирғиз Республикаси президенти Садир Жапаров қайта тикланувчи энергия манбаларини фаол ривожлантирмасдан туриб, аҳоли ва хўжалик юритувчи субъектларни барқарор электр энергияси билан тўлиқ таъминлаш мумкин эмаслигини таъкидлади.

Г.Сатторова, ЎзА