Қирғизистон ва Тожикистон президентлари Садир Жапаров ва Эмомали Раҳмон телефон орқали мулоқотда чегарадаги зиддиятни зудлик билан бартараф этишни муҳокама қилиб, май ойининг иккинчи ярмида юзма-юз учрашувга келишиб олди.

“INTERFAX.RU” хабарига кўра, қирғиз етакчисининг матбуот хизмати шундай маълумот берган. “Садир Жапаров қирғиз томони чегара муаммосига мулоқот  йўли билан ечим топилиши тарафдори эканини таъкидлади”, дейилади хабарда.

Давлатлар раҳбарлари мазкур масала тинч йўл билан ҳал қилинишига келишиб олган. Мазкур масала бўйича ҳукуматлар делегациялари бугун, 1 майда Боткен вилоятида учрашади.