5-6 ноябрь кунлари Қирғизистон Республикаси ташқи ишлар вазири Руслан Казакбаев бошчилигидаги делегация амалий ташриф билан Ўзбекистонда бўлади. Бу ҳақда мамлакатимиз ТИВ расмий сайтида ахборот берилган.

Ташриф дастурида Ҳукумат, ташқи ишлар, инвестициялар ва ташқи савдо вазирликларида ҳамда бошқа идораларда учрашувлар ўтказилиши кўзда тутилган.

Бўлажак музокаралар чоғида сиёсий, савдо-иқтисодий, транспорт-коммуникация, маданий-гуманитар ва бошқа соҳалардаги икки томонлама ҳамкорликнинг жорий ҳолати ҳамда ривожланиш истиқболини муҳокама қилиш режалаштирилган.