Қирғизистон президенти Садир Жапаров Россия президенти Владимир Путин билан Сочидаги учрашувида Россияни ўз мамлакатининг асосий ҳамкори ва иттифоқчиси деб атади.

“Российская газета”да қайд этилишича, Жапаров: “Сизнинг қирғиз халқини қўллаб-қувватлашингизни алоҳида таъкидлашни истардим, Россия – бизнинг асосий иттифоқчимиз ва савдо-иқтисодий ҳамкоримиз ҳамда умид қиламанки, барча музокараларимиз келажакда яхши самара беради”, деди.  

Учрашувда томонлар мамлакатлар ўртасидаги савдо-иқтисодий ҳамкорлик ва пандемияга қарши биргаликда кураш масалаларини муҳокама қилди. Путин Россия Қирғизистон савдо айланмасида ишончли тарзда етакчи бўлиб турганини, бу эса икки томонлама муносабатларга ижобий таъсир кўрсатаётганини таъкидлади.