Геосиёсий кескинлик ҳамда глобал иқтисодий ноаниқлик сабаб сармоядорларнинг АҚШ активларига ишончи пасайиб бормоқда. Натижада қимматбаҳо металлар, жумладан олтин, кумуш ва платина нархида мисли кўрилмаган ўсиш кузатилмоқда.

23 январь куни олтин нархи яна бир бор тарихий рекордни янгилади: Спот бозорида унцияси 0,3 фоиз қимматлашиб, 4 951,91 долларга етди. Кун давомида эса нарх 4 966,59 долларгача кўтарилиб, энг юқори кўрсаткич қайд этилди.

Шунингдек, февраль ойида етказиб бериладиган АҚШ олтин фьючерслари ҳам сезиларли ўсиш даражасини намойиш этди: нарх 0,8 фоиз кўтарилиб, бир унция учун 4 952,80 доллар кўриниш олди. Кумуш ва платина ҳам ўсиш анъанасини сақлаб қолиб, тарихий энг юқори кўрсаткичга яқинлашди.

Ф.Яхшибоева, ЎзА