Janubiy Koreyaning Seul shahrida qilichbozlik bo‘yicha o‘tgan qit’a chempionatida yurtimiz sharafini himoya qilgan shpagachi yigitlarimiz kumush medalni qo‘lga kiritdi.

Chempionatning final bahsida jamoamiz Koreya Respublikasi vakillariga qarshi maydonga tushdi. Murosasiz bellashuv 38:35 hisobida koreyalik «mushketyor»larning g‘alabasi bilan yakunlandi. 

Osiyo chempionatida qilichbozlarimiz ilk bor final bosqichida ishtirok etib, 2-o‘rinni qo‘lga kiritishi kelgusida jahon maydonlarida o‘tkaziladigan nufuzli o‘yinlar oldidan ruhiy ko‘tarinkilik hamda katta tajribaga ega bo‘lishini ta’minlaydi.  

O‘zA