Пойтахтимизда қиличбозлик бўйича ўсмирлар ўртасида ўтаётган Осиё кубогининг илк кунида мамлакатимиз вакиллари 3 та медалга сазовор бўлди.

11 мамлакатнинг 200 нафардан ортиқ спортчилари иштирок этаётган нуфузли мусобақанинг рапира йўналиши бўйича кечган яккалик баҳсларида Ўзбекистон қизлар терма жамоаси аъзолари 1 тадан олтин, кумуш ва бронза медалларини қўлга киритди.

Рапира баҳсларида Салима Рўзиева олтин, Бибиойша Ҳусанбоева кумуш, Перизат Мауинбергенова бронза медалларига эгалик қилди.

Эртага, 11 сентябрь куни Осиё кубоги дастурига кўра қизлар рапира йўналишининг жамоавий ва шпаганинг яккалик баҳсларида, ўғил болалар сабляда яккалик мусобақаларда иштирок этади.

Қитъа кубоги 13 сентябрга қадар давом этади.

Т.Рўзиев, ЎзА