Қиличбозлик бўйича яна бир мусобақа старт олди
Ёшлар сиёсати ва спорт вазирлиги ҳамда Ўзбекистон қиличбозлик Федерацияси спорт ва халқаро оммавий жисмоний тарбия тадбирларининг 2023 йил календарь режасига мувофиқ навбатдаги мусобақани эълон қилди.
Унга кўра, жорий йилнинг 16-21 декабрь кунлари Тошкент шаҳрида қиличбозлик спортининг сабля, шпага ва рапира турлари бўйича 2010-2012 йилларда туғилган ва ундан кичик ёш тоифасидаги ўғил-қизлар ўртасида Марказий Осиё Очиқ чемпионатини ўтказади.
Бугун эса мазкур мусобақа “Пахтакор” қиличбозлик мажмуасида старт олди. Қиличбозликнинг сабля йўналишида бошланган беллашувларда 100 нафардан ошиқ спортчи иштирок этмоқда.
Мусобақа 21 декабрга қадар давом этади.
[gallery-15101]
Муҳаммад АМИН (сурат), ЎзА