Qilichbozlik bo‘yicha poytaxtimizda o‘tkazilayotgan O‘zbekiston kubogida rapira yo‘nalishi bo‘yicha jamoaviy bahslar yakunlandi.

Unda erkaklar o‘rtasidagi bahslarda "Andijon 1" jamoasi shohsupaning eng yuqori pog‘onasidan joy oldi. Shuningdek, ikkinchi va uchinchi o‘rinlarni "Toshkent", "Toshkent 2" va "Farg‘ona 1" jamoalari egalladi.

Ayollar o‘rtasidagi bahslarda "Toshkent 1", "Farg‘ona 2", "Toshkent 2" hamda "Farg‘ona 1" jamoalari g‘olib va sovrindorlar qatoridan joy oldi.

Eslatib o‘tamiz, O‘zbekiston kubogining navbatdagi kunida qilichbozlar shpaga yo‘nalishida yakkalik va jamoaviy bellashadi.

Javohir Toshxo‘jayev, O‘zA