Жорий йилнинг 20–27 февраль кунлари Индонезия пойтахти Жакарта шаҳрида қиличбозлик бўйича ўсмирлар ва ёшлар ўртасидаги Осиё чемпионати бўлиб ўтди.

Мазкур нуфузли мусобақада юртимиз спортчилари муносиб иштирок этиб, 3 та кумуш ва 3 та бронза медалини қўлга киритди. Шунингдек, сабля йўналишида қизлар ва йигитлар ўртасидаги жамоавий баҳсларда миллий терма жамоамиз 2-ўринни эгаллади.

Бугун Тошкент халқаро аэропортида спортчиларимиз тантанали равишда кутиб олинди. Маросимда спорт вазири ўринбосари Шаҳрилло Маҳмудов, Қиличбозлик федерацияси раиси ўринбосари Ҳаёт Закиров, вазирлик ва федерация мутасаддилари, спортчиларнинг ота-оналари ҳамда жамоатчилик вакиллари иштирок этди.

Жавоҳир Тошхўжаев,

ЎзА