Хабар берганимиздек, Туркиянинг Анталья шаҳрида қиличбозликнинг сабля йўналиши бўйича ёшлар ўртасида ўтказилган жаҳон кубогининг навбатдаги босқичи мамлакатимиз спортчилари учун омадли кечди.

Ёш спортчиларимиз яккалик баҳсларда муваффақиятга эришган бўлса, жамоавий дастурдаги беллашувларда қизлар ва йигитлар терма жамоаси олтин медалларни қўлга киритди.

Ўзбекистон ёшлар терма жамоасининг йигитлари жаҳон кубоги босқичи баҳсларида Грузия, Германия, Украина ва финалда Туркия жамоаларини мағлуб этган бўлса, мамлакатимизнинг қизлар терма жамоаси Болгария, Польша ва Италия терма жамоаларини доғда қолдиришга муваффақ бўлишди.

Йигитлар ўртасидаги совринли ўринлар Туркия ва Руминия жамоаларига, қизлар мусобақасида эса Италия ва Польша терма жамоалари ҳамюртларимиздан кейинги ўринларни эгаллашди.

Т. Рўзиев, ЎзА