Қазақстан Республикасы президенті сайлауына кандидаттардан өтініш қабылдау басталды.

«ҚазАқпарат» агенттігінің хабарлауынша, президент сайлауына кандидаттарды ұсыну 23 қыркүйектен басталып, аталған процесс 11 қазан күні сағат 18:00-де аяқталады.

«Сағат 10:35-тегі жағдай бойынша Орталық сайлау комиссиясына кандидатты ұсыну өтініші келіп түскен жоқ», - деді Орталық сайлау комиссиясының хатшысы Мұхтар Ерман.

Президенттікке кандидаттарға қойылатын талаптар:

• ҚР азаматы болуы;
• ҚР аумағында соңғы 15 жыл бойы тұруы;
• Жоғары білімінің болуы;
• Жасы 40-қа толған болуы;
• Белсенді сайлау құқығының болуы;
• Мемлекеттік қызметте немесе сайланбалы лауазымда кемінде 5 жыл жұмыс тәжірибесінің болуы;
• Мемлекеттік тілді еркін меңгеру талабы ескерілген.
• ҚР Президенті сайлауына қатысатын әр кандидат 3 млн теңге жарна төлейді. Сонымен қатар, президент сайлауына қатысатын әр кандидатқа үгіт-насихат жүргізуі үшін шамамен 10 млн теңге бөлінбек.

Еске салар болсақ, Қазқстанда өтетін кезектен тыс президент сайлауы 20 қарашаға белгіленген болып, президенттікке кандидаттар сайлауға дейінгі үгіт-насихат жұмысын 21 қазанда бастайды және бұл шара 28 күнге созылуы белгіленген.