Дін істері комитетінің ақпарат қызметінің жетекшісі Ильхом Маруповтың мәлімдеуінше, Қажылық-2022 маусымы үшін Өзбекстанда бір қажыға төленетін төлем мөлшері 62,9 миллион сум болып белгіленді.

Бағаның өсуі Сауд Арабиясы үкіметінің қажылық құнына әсер ететін қосымша салықтар мен міндетті төлемдерді енгізуіне байланысты болғаны, ал коммуналдық, көлік, электр қуаты және басқа да қызметтерге төленетін төлемдер көлемі бірнеше есеге өскені атап өтілді ( 30-40 пайыз).

Қажылықты ұйымдастыратын мекемелердің қызметтері үшін 2022 жылы жаңа міндетті төлемдер енгізілген. Сондықтан әлем елдері үшін қажылық қызметтерінің құны орта есеппен 40-45 пайызға қымбаттады.

Биыл Өзбекстаннан 10 865 адам қажылыққа барады. 2019 жылы бұл көрсеткіш 7200 болған.