Түркістан қаласы енді әуе арқылы Үргеніш, Бұхара және Самарқантпен тікелей байланысады.

Қазақстанның SCAT әуе компаниясы Хазірет Сұлтан (HSA) халықаралық әуежайынан Өзбекстанның үш ірі шаһарына жаңа тұрақты рейстерді іске қосуды бастады. Билеттер қазірдің өзінде сатылымда.

Жаңа бағыттар желтоқсан айынан кезең-кезеңімен ашылады:

• Түркістан – Үргеніш – Түркістан рейстері 2025 жылдың 1 желтоқсанынан бастап дүйсенбі, жұма және жексенбі күндері ұшады.
• Түркістан – Бұхара – Түркістан бағыты 2 желтоқсаннан бастап сейсенбі, бейсенбі және сенбі күндері орындалады.
• Түркістан – Самарқант – Түркістан рейстері 3 желтоқсаннан бастап сәрсенбі, жұма және жексенбі күндері жүзеге асады.

Компанияның мәлімдеуінше, жаңа бағыттар өңірлер арасындағы көлік қолжетімділігін арттырып, Қазақстан мен Өзбекстан арасындағы қатынасты одан әрі жақсартады. Сапарлар бұрынғыдан да ыңғайлы әрі тиімді болмақ.