Алтай аймағының археологтары «Ұлы Алтай – Түркі мұрасы: Сентелек-2023» Солтүстік Алтайдың түркі ескерткіштерін зерттеу жөніндегі халықаралық археологиялық экспедициясы аясында Қазақстаннан белгісіз түркі мемориалдық ескерткішін тапты.

Kazinform мәліметінше, аталған мұра VIII-IX ғасырларға тиесілі. Бұл туралы ТАСС агенттігіне Алтай мемлекеттік университетінің «Үлкен Алтай» алтайтану және түркітану ғылыми-білім беру орталығы басшысының орынбасары Сергей Грушин мәлімдеген. 

«Өткен жылы Алтай мемлекеттік университетінің экспедициясы жаңа мемориалдық орындар – түркі қоршауларын анықтады. Олардың арасынан беймәлім көне түркі ескерткіші табылды. <…> Онда VIII-IX ғасырлардағы жауынгер бейнеленген. Мұндай ескерткіштер түркі дәуірінде қайтыс болған жауынгердің құрметіне жасалған. Мұндай нысандар жерлеумен байланысты емес, әдетте олар бөлек салынған», - деді Сергей Грушин.

Сонымен, профессор Грушиннің айтуынша, кез келген табылған затты зерттеген қызық. Енді қолда бар затқа салыстырмалы талдау жүргізу жоспарланып отыр. Оның айтуынша, мемориалдық кешеннен бірнеше шақырым жерде ортағасырлық көшпенділердің орындары табылған.

19-20 қазанда Алтай мемлекеттік университеті базасында Барнаул қаласында өткен «Тарихтағы және қазіргі замандағы славян және түркі халықтарының бірлігі» атты ІІІ Халықаралық Алтай форумында археологтардың жұмысы ұсынылды.