2022 жыл 20 қараша күні Қазақстанда кезектен тыс өткен президент сайлауының «Exit poll» нәтижесі жарияланды.

«ҚазАқпарат» агенттігінің хабарлауынша, президент сайлауындағы сайлаушылардың 82,45 проценті кандидат Қасым-Жомарт Тоқаевты жақтап дауыс берген.

Сонымен, Exit-poll нәтижесі мынадай:

• Қасым-Жомарт Тоқаев —82,45%;
• Мейрам Қажыкен —2,23 %;
• Жигули Дайрабаев — 3,33%;
• Қарақат Әбден — 2,54%;
• Салтанат Тұрсынбекова — 2,08%;
• Нұрлан Әуесбаев — 2,17%;
• Бәріне қарсымын – 5,2%.

Орталық сайлау комиссиясының мәліметінде, жергілікті сағат 22.00-дегі жағдай бойынша республиканың 8 299 501 азаматы бюллетень алған. Ол - тізімге енгізілген азаматтардың 69,43 пайызы деген сөз. Ал 4 өңірде сайлаушылардың 80 пайыздан астамы дауыс берген.