Қазақстан Республикасында енгізілген Төтенше жағдай кезінде қайтыс болғандардың жалпы саны белгілі болды.

«ҚазАқпарат» агенттігінің хабарлауынша, ҚР Бас прокуратурасы қылмыстық қудалау қызметінің бастығы Серік Шалабаев Орталық коммуникациялар қызметінде өткен брифингте мәлімдеген.

«Адам шығыны болған оқиғаларды тергеп, тексеруге ерекше назар аударылуда. Бүгінгі күні 4578 жәбірленуші анықталды. Оның 4353-і жараланған. Оның ішінде 3393 құқық қорғау органдарының қызметкерлері. Төтенше жағдай кезінде моргтерге қаза тапқан 225 адам жеткізілді», - деген Бас прокуратура өкілі.