Қазақстанда атом электр стансасының құрылысы 8-14 жылға дейін созылады.

KAZINFORM мәліметінше, бұл туралы елдің Энергетика министрі Алмасадам Сәтқалиев мәлімдеген. 

– Қазақстанда атом электр стансасы жобалау 3 жылға, ал құрылыс 8-14 жылға дейін созылады,– деген Алмасадам Сәтқалиев.

Оның  айтуынша, Қазақстанда атом электр стансасын (АЭС) салатын консорциумға қатысушылар 2025 жылдың бірінші жартыжылдығында анықталады.

– Бастапқыда келесі жылы АЭС құрылысына қатысушыларды анықтаудың соңғы форматы туралы шешім қабылданады деп жоспарланған. Президенттің соңғы тапсырмасына сәйкес, комиссия бұл жұмысты жеделдетіп, жақын арада тиісті шешім қабылдайтын болады. 2025 жылдың бірінші жартыжылдығында қатысушыларды таңдау бойынша шешім шығады, – деген энергетика министрі.