Қазақстанда Республикасының Денсаулық сақтау министрі Алексей Цой пандемия басталғалы елдегі коронавирустың қандай штамдары тіркелгенін мәлімдеді.

«ҚазАқпарат» агенттігінің хабарлауынша, «Министрлік вирустың елге кірген жағдайы мен мутациялық өзгеруіне мониторингті қамтамасыз ету үшін тұрақты түрде вирустарды генетикалық зерттеу жүргізіліп жатыр. Соның нәтижесінде 2020-2021 жылдары 1407 сынама зерттелген. Зерттеулерге байланысты наурызда «британдық» Alpha штамм, «оңтүстікафрикалық» Beta штамм, маусымда «үнділік» Delta штамм, тамызда «нигериялық» Eta штамм анықталды. SARS-CoV-2 вирусының түрлі нұсқаларының таралуын анықтау мен мониторингілеу жұмыстары жалғасып жатыр», - деген министр Алексей Цой.

Министрдің айтуынша қазірге дейін Қазақстан коронавирустық індет жұқтырудың төрт толқынынан өткен.