Қазақстанда ел аумағынан бензин және дизель отынын шығаруға тыйым салынды.

KAZINFORM хабарлауынша, елдің Энергетика, Қаржы, Ішкі істер министрліктері және Ұлттық қауіпсіздік комитетінің «ҚР аумағынан мұнай өнімдерін әкетудің кейбір мәселелері туралы» бірлескен бұйрығына өзгеріс енгізген.

«Құжатқа сай, Қазақстан Республикасының аумағынан тысқары, оның ішінде Еуразиялық экономикалық одаққа мүше мемлекеттерге автомобиль көлігімен бензин, дизель отыны және мұнай өнімдерінің жекелеген түрлерін (2709 00, 2710, 2902, 3403, 3811, 3826 00 ЕАЭО СЭҚ ТН кодтары) әкетуге алты ай мерзімге тыйым салу енгізілген», делінген хабарламада.

ҚР Энергетика министрлігі бұл шара ішкі нарықта жанар-жағармай тапшылығына жол бермеу үшін жасалғанын атап өткен. Бұйрық 29 қаңтардан бастап күшіне енді.