Бес мемлекет Газа секторына Халықаралық қауіпсіздік күштері құрамында әскер жіберуге келісті.

Reuters агенттігінің хабарлауынша, бұл туралы аталған күштердің қолбасшысы генерал-майор Джаспер Джефферс 19 ақпанда Вашингтон қаласында өткен «Бейбітшілік кеңесінің» алғашқы отырысында мәлімдеді.

«Алғашқы бес мемлекет – Индонезия, Марокко, Қазақстан, Косово және Албания – Халықаралық қауіпсіздік күштері құрамында қызмет ету үшін әскер жіберді. Ал екі мемлекет – Мысыр мен Иордания – полиция қызметкерлерін даярлау міндетін өз мойнына алды», – деді ол.