Қазақстан Президенті Қасым-Жомарт Тоқаев «Қазақстан Республикасы мен Өзбекстан Республикасы арасындағы Қазақстан-Өзбекстан мемлекеттік шекарасын шегендеу туралы шартты ратификациялау туралы» Қазақстан Республикасының Заңына қол қойды.

Ақорда сайтының хабарлауынша, заңның мәтіні баспасөзде жарияланған.

Бұған дейін, ҚР Сыртқы істер министрінің орынбасары Роман Василенко Сенат отырысында демаркация нәтижесінде 2356 шақырым 666 метрлік шекара сызығына 1301 шекара белгісі орнатылғанын мәлімдеген болатын. Шекараны белгілеу 8000 беттен тұратын құжатта көрсетілген.