Қазақстан халқының саны 19 миллионға жетті. Бұл туралы Қазақстан Президенті Қасым-Жомарт Тоқаев Twitter-де жазып қазақстандықтарды құттықтады.

«Тәуелсіздіктің 30 жылдығы қарсаңында Қазақстан халқының саны тарихи межеге жетті. Алматы облысында дүниеге келген Жәния Азаматқызы еліміздің он тоғыз миллионыншы азаматы ретінде тіркелді. 

Жәния — отбасында төртінші бала. Ата-анасы мен қазақстандықтарды осы қуанышпен құттықтаймын. Бауы берік болсын!», - деп жазған Қасым-Жомарт Тоқаев.