Өзбекстан Республикасы Президенті Шавкат Мирзияевтің шақыруымен 21 желтоқсанда Қазақстан Республикасының Президенті Қасым-Жомарт Тоқаев мемлекеттік сапармен Өзбекстанға келді.

Ислам Каримов атындағы Ташкент халықаралық әуежайында Қазақстан Республикасының Президенті Қасым-Жомарт Тоқаевты Өзбекстан Республикасы Президенті Шавкат Мирзияев қарсы алды. 

Мемлекет басшылары бір-біріне жылы лебіздерін білдіріп, қысқаша әңгімелесті.

Осыдан кейін Қазақстан басшысы «Жаңа Өзбекстан» саябағын барып, онда дәстүр бойынша Тәуелсіздік монументіне гүл шоқтарын қойды.