Өзбекстанға мемлекеттік сапармен келген Қазақстан Президенті Қасым-Жомарт Тоқаев Өзбекстан Президенті Шавкат Мирзияевтің қатысуымен «Куксарой» резиденциясының Құрметті қонақтар аллеясында ағаш екті.

Салтанатты шара Өзбекстан-Қазақстан қарым-қатынасындағы жаңа дәуірдің басталуы, бауырлас халықтарымыздың игілігі үшін елдеріміз арасындағы стратегиялық серіктестік пен одақтастықты одан әрі нығайтуға деген жігерлі ниеттің көрінісі болды.

Қазақстан басшысының Өзбекстанға мемлекеттік сапарының негізгі шаралары ертең, 22 желтоқсанда өтеді.

Жоғары деңгейде келіссөздер жүргізіліп, оның соңында тарихи келісімдерге қол қойылады деп күтілуде. Ірі инвестициялық жобаларды бірлесіп іске қосу және БАҚ өкілдеріне брифинг өткізу жоспарланған.