Әзербайжан президенті Ильхам Әлиевтің Қазақстанға келуіне орай жүргізілген келіссөздерден кейін екі ел арасында бірнеше меморандумға қол қойылды.

Turkystan.kz сайтының хабарлауынша, екі ел мынадай меморандумдарға қол қойды:

• Қазақстан Республикасы Телерадио кешені мен Әзербайжан Республикасы Мемлекеттік ақпараттық агенттігі арасындағы ынтымақтастық және өзара түсіністік туралы меморандумға қол қойды.
• Қолданбалы этно-cаяси зерттеулер институты мен Баку Халықаралық мультимәдениет орталығы арасындағы ғылыми және мәдени ынтымақтастық туралы меморандумға қол қойды.
• Қазақстанның сыртқы сауда палатасы мен Әзербайжан Республикасының шағын және орта бизнесті дамыту агенттігі арасындағы өзара түсіністік туралы меморандумға қол қойды.
• Қазақстан Ркспубликасы Ұлттық ғылым академиясы мен Әзербайжан Республикасы Ұлттық ғылым академиясы арасындағы ғылыми ынтымақтастық бойынша өзара түсіністік туралы меморандумға қол қойды.
• Қазақстан Республикасының Отандастар қоры мен Әзербайжан Республикасының Диаспоралармен жұмыс жөніндегі мемлекеттік комитеті арасындағы өзара түсіністік туралы меморандумға қол қойды.
• ҚР Ақпарат және қоғамдық даму министрлігі мен Әзербайжан Республикасының Жастар және спорт министрлігі арасындағы өзара түсіністік және ынтымақтастық туралы меморандумға қол қойды.
• Қазақстан Республикасы мен Әзербайжан Республикасының Жоғары мемлекет аралық кеңесін құру туралы хаттамаға және ҚР президенті Қасым-Жомарт Тоқаевтың Әзербайжан Республикасының президенті Ильхам Әлиевтің бірлескен мәлімдемесіне қол қойды.