Цифрлық технологиялар министрлігі Қатардың ірі компанияларының бірі – Mannai корпорациясымен өзара түсіністік меморандумын жасасты.

Министрі Шерзод Шерматов Қатарға сапары аясында «EXCOM» төрағасының орынбасары Халид Маннаи, «Mannai» корпорациясының басшысы Алех Гревал, корпорация тобының бас директоры және «Mannai InfoTech» аға вице-президенті Бину мырзамен кездесу өткізді. 

Министрлік мәліметінше, кездесу барысында Өзбекстанда ақпараттық технологиялар қызметтерін ұсынуға арналған «offshore» жеткізу орталығын құру мәселесі талқыланды.

Сонымен қатар, «Mannai» корпорациясы және Қатардың басқа да IT-компанияларымен бірлесіп мамандардың біліктілігін арттыру мен жұмысқа орналасу шығындарын азайтуға бағытталған арнайы жобаны әзірлеу мәселесі қозғалды. 

«IT-мамандарды дайындайтын арнайы оқу орталығын құру бастамасы да қарастырылып, Цифрлық технологиялар министрлігі мен «Mannai» корпорациясы арасында өзара түсіністік туралы меморандумға қол қойылды», делінген хабарламада.