Қатар мемлекетіне тиесілі Qatar Airways Өзбекстанға тұрақты рейстерді ашады.

Uzbekistan Airports хабарлауынша, Доха-Ташкент-Доха бағыты бойынша алғашқы рейс 2024 жылдың 2 маусымына жоспарланған. Ұшулар аптасына төрт рет – дүйсенбі, сәрсенбі, жұма және жексенбі күндері Airbus A320 ұшағында орындалады.

Еске сала кетсек, штаб-пәтері Дохада орналасқан «Qatar Airways» әуе компаниясы Қатардың ұлттық әуе компаниясы болып, компания әлемнің 170-тен астам бағытында ұшуларды орындайды.

Qatar Airways көптеген беделді марапаттарға ие және Skytrax нұсқасы бойынша жеті рет «Әлемнің үздік әуе компаниясы» атанған.