Қазақстан басшысы Қасым-Жомарт Тоқаев ресми сапармен Пәкістанға барды.

Ақорда баспасөз қызметінің хабарлауынша, мәртебелі мейманның келуіне орай Исламабад әуежайында Құрмет қарауылы сап түзеп, зеңбіректен 21 мәрте оқ атылған. 

Сондай-ақ, Қасым-Жомарт Тоқаевты әуежайыдан Пәкістан президент Асиф Али Зардари мен премьер-министр Шахбаз Шариф қарсы алған.

Сапар аясында, жоғары деңгейде келіссөздер жүргізіліп, екі ел арасындағы саяси, сауда-экономикалық және мәдени-гуманитарлық ынтымақтастықты нығайту перспективасы талқыланады, делінген хабарламада.