Аввал хабар берганимиздек, Қашқадарё вилоятига етиб келган Президент совғалари Янги йил байрами арафасида болажонларга тарқатилди.

Совғаларни ўз эгаларига етказиш Қарши шаҳрида жойлашган “Имкон” реабилитация марказига эга давлат кўп тармоқли ихтисослаштирилган мактабгача таълим ташкилотида тарбияланаётган болаларга топширишдан бошланди. Тадбир давомида боғчада тарбияланаётган болажонларга 150 дона Президент совғаси тарқатилди. Вилоят раҳбари Муротжон Азимов ҳам иштирок этиб, болажонларнинг қувончига шерик бўлди. 

[gallery-26917]

Тақдим этилган маълумотларга кўра, 24 турдаги ўқув қуроллари ва 34 хил ширинлик маҳсулотларидан иборат 1 минг 99 дона Президент совғалари “Мурувват” ва кичик ҳажмли болалар уйлари, оилавий болалар уйлари тарбияланувчилари, шунингдек, ота-она қарамоғидан маҳрум бўлган, васийлик, ҳомийлик ва патронат асосида тарбияланаётган болаларга тақдим этилади. Шу билан бирга, юртимиз тинчлиги йўлида ҳалок бўлган ҳуқуқни муҳофаза қилувчи органлар ходимларининг фарзандлари ҳам ушбу совғалар билан таъминланади.

Президент совғалари ва “Президент арчаси” тадбирлари болажонлар учун байрамона кайфият яратиш, уларни қўллаб-қувватлаш ва эътибор билан қамраб олишга хизмат қилмоқда.

<iframe width="640" height="420" src="https://www.youtube.com/embed/Kxx2RghlBOw" title="Qashqadaryoda Prezident sovg‘alari tarqatildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ўлмас Баротов, Жамшид Норқобилов (сурат, видео), ЎзА мухбирлари