Ma’lum qilinishicha, sayl viloyatning G‘uzor tumanidagi adirliklarda tashkil etilib, undan ko‘zlangan asosiy maqsad vohada gastronomik turizmni rivojlantirish va Qashqadaryoning eng mashhur taomi – tandir go‘shtini mahalliy va chet ellik sayyohlar o‘rtasida yanada ommalashtirishdan iborat.

O‘zbekiston gastronomik turizm assotsiatsiyasi raisi Gulnoza Odilovaning aytishicha, “Lola va kabob sayli”ni Qashqadaryoda lolaqizg‘aldoqlar ochilgan vaqtda, bevosita lolazorda uch kunlik festival tarzida o‘tkazish rejalashtirilmoqda.

Shuningdek, joriy yil bahor faslida Qashqadaryo viloyatida milliy liboslar xalqaro festivali, ot sporti bo‘yicha nufuzli musobaqa hamda kashtachilik buyumlari respublika ko‘rgazma savdosi kabi sport va ko‘ngilochar tadbirlar ham o‘tkazilishi ham belgilangan.