Katta tantanalar bilan 2023 yilda o‘tkazilgan ushbu festivalni joriy yil ham yuqori saviyada tashkil etish bo‘yicha tayyorgarliklar boshlandi.

Chiroqchi tumanining turizm hududi bo‘lgan so‘lim va maftunkor Tarag‘ay qishlog‘i tog‘ yonbag‘irlarida o‘tkaziladigan festivalda ochiq osmon ostida  ko‘hna tarixidan sado berguvchi muzey, milliy hunarmandchilik namunalari ko‘rgazmasi, milliy qadriyatlarni o‘zida mujassam etgan xalq o‘yinlari, milliy taomlar namoyishi hamda san’atkorlar ishtirokidagi gala-konsert dasturi namoyish etiladi.