Davlatimiz rahbarining 2021 yil 5 avgustdagi “O‘zbekistonda yilqichilik, ot sporti, zamonaviy beshkurash va poloni 2025 yilgacha rivojlantirish davlat dasturi to‘g‘risida” gi qarori mamlakatimizda ham polo sportini rivojlantirishda muhim omil bo‘lmoqda.

Mazkur qarorda belgilab berilgan vazifalar ijrosi doirasida O‘zbekiston polo federatsiyasi, Milliy gvardiya hamda Yakkabog‘ tumani hokimligi hamkorligida “KOK-SARAY GUP” musobaqasi bo‘lib o‘tdi.  

[gallery-15044]

Yakkabog‘ tumanidagi “Qorabayr” otchilik majmuasida o‘tkazilgan polo sport musobaqasi qizg‘in kurashlarga boy o‘tdi. Turnirning yakuniy natijalariga ko‘ra, Qashqadaryo jamoasi birinchi, Samarqand jamoasi ikkinchi va Toshkent jamoasi uchinchi o‘rinni egalladi.  

G‘oliblar tashkilotchilar tomonidan munosib taqdirlandi.  

O‘lmas Barotov,  

Jamshid Norqobilov (surat), O‘zA muxbirlari