Президент Шавкат Мирзияев Қашқадария облысының экономикасын дамыту мәселелеріне арналған кеңес өткізді.

Шара басында 6 жаңа кәсіпорынды іске қосу рәсімі өтті. Қаршы ауданындағы «Омад Старт», Қаршы қаласындағы «Китоб ип йигирув», Дехқонабад ауданындағы «Бахт текстил», Шахрисабз қаласындағы «Ақсарой текстил» және «Пит-стоп» кәсіпорны, сондай-ақ жиһаз фабрикасының өкілдері бейнебайланыс арқылы кешендердің әлеуеті туралы ақпарат берді.

Мемлекет басшысы символикалық түймені басып, жаңа кәсіпорындарды ресми түрде іске қосты.

Жиында ең алдымен өңірді энергиямен қамтуды жақсарту шаралары көрсетілді.

Биыл облыста электр энергиясын тұтыну 6,9 миллиард киловатт сағатты құраса, 310 миллион киловатт тапшылық күтілуде. Сондықтан бұл тапшылықтың орнын толтыру үшін арнайы шешім қабылданып, жұмыс басталды.

Атап айтқанда, «Нишан» және «Чиракчи» аудандарында 3 күн электр станциясын іске қосу жоспарлануда. Мемлекеттік мекемелерге, кәсіпорындар мен үйлерге 76 мегаватт күн батареяларын орнату мүмкіндігі бар. Электр желілерін жаңарту арқылы энергияны көп тұтынатын құрылғылар ауыстырылады. Сондай-ақ, Қаршы магистральдық арнасының жылына 2,2 млрд киловатт тұтынатын сорғы станцияларында 6 жиілікті реттеу құрылғысы орнатылады.

Осы арқылы биылғы жылы 50 миллион киловатт, келесі жылдан бастап жылына 175 миллион киловатт электр энергиясын үнемдеуге мүмкіндік береді.

Жиында өнеркәсіпті, кәсіпкерлікті дамыту және шаруашылықты қолдау басты мәселе болды.

Соңғы бес жылда Қашқадарияға 10 миллиард доллар инвестиция тартылды. Кәсіпкерлер саны 2,5 есеге өсті, қосымша 325 мың тұрақты жұмыс орны ашылды. Бұған дейін өнеркәсібі төмен 8 ауданда өнім өндіру 2-3 есеге өсіп, облыстағы үлесі 36 пайызға жетті.

2023 жылы облысқа 1,5 миллиард доллар инвестиция тартып, 440 мың тұрғынды табысты жұмыспен қамту жоспарланған.

Мемлекет басшысы халықты жұмыспен қамту мәселесіне баса назар аударып, бұл бағыттағы мүмкіндіктерге тоқталды.

Атап айтқанда, облыстағы 80 махаллада 6 мыңнан астам адам өз үйінде тұрып жұмыспен айналысады. Президентінің қол қойған шешімі кең мүмкіндіктер туғызуда. Атап айтсақ, кәсiпкерлерге 2 миллион сумға дейiн жеңiлдiктi револьвер несие және әр жұмысшы үшін 1 миллион сумға дейiн пайызсыз несие берiледi. Өз үйінде тұрып жұмыспен айналысатындарға салық төлемей өз бетінше жұмыс істеуге рұқсат етілген. Онымен айналысатын мұқтаж азаматқа 6 айға әлеуметтік жәрдемақы төленеді. Құрал-жабдық пен шикізат сатып алу үшін 9 миллион сумға дейін субсидия беріледі. Үй жұмысшыларын тартатын кәсіпкерлер мен кластерлер үшін пайда мен айналым салығы, мемлекеттік мүлікті жалға алу ақысы 2 есеге төмендейді.

Осы арқылы Қашқадариядағы 150 махаллада қосымша 20 мың тұрғынды кластер белсендісі етуге болатыны айтылды.

Кластерлер елді мекендердегі жұмыспен қамту және әлеуметтік мәселелерді шешуде белсенділік танытуы керектігі баса айтылды.

«Дехханабад», «Яккабог», «Шахрисабз» және «Нишан» аудандарын сумен қамтамасыз етуді жақсарту, 10 мың тұрғынды жұмыспен қамту, Миришкордағы 5 мың гектар табиғи көлде балық өсіруді арттыру міндеттері айтылды.

Индустриалды аймақтарда бос жатқан алаңдарда 50 жобаны жүзеге асыру және 2 мың жұмыс орнын ашу жөнінде тапсырма берілді. Сондай-ақ, кәсіпкерлерді жергілікті «өсу нүктелеріне» тарту және қолдау қажеттігі де сөз болды.

– Әр ауданда әлеуетті жобаға, ал жобаны жұмыс орнына айналдыру керек, – деді Шавкат Мирзияев.

Жоғарыда айтылғандай, «Шахрисабз», «Китаб», «Қамаши», «Яккабоғ» аудандарының туристік әлеуетінің жартысы да пайдаланылмаған. Ол үшін «Шахрисабз – Қаршы – Самарқанд» бағытына электр пойызын жолға қою арқылы жолаушылар ағынын арттыру міндеті қойылды. Бұл туризм, сауда және қызмет көрсету салаларын дамытуға қосымша серпін болмақ.

Жиында облыс, аудан әкімдері, ақсақалдар, зиялы қауым өкілдері, кәсіпкерлер өз ұсыныстарын айтты.

Осымен Президент Шавкат Мирзияевтің Қашқадарияға сапары аяқталды.