Қарулы адамдар Гаити астанасы Порт-о-Пренстегі бірнеше үкіметтік ғимараттарға, соның ішінде президент сарайына шабуыл жасады.

ABC хабарынша, гаитилік бандалар Порт-о-Пренстегі немесе оған жақын орналасқан бірнеше үкіметтік ғимараттарға ауқымды шабуыл жасаған.

Олар қатарында президент сарайы, Ішкі істер министрлігі мен полиция департаментінің ғимараттары бар.

Еске сала кетейік, бұған дейін Гаитидегі қылмыстық топтар түрмеден 4000 тұтқынды босатқан болатын. Олар елдің басым бөлігін бақылайды және премьер-министр Ариэль Генриді орнынан түсіруге әрекет етуде.