Қароқчилар асирда ушлаб турган туркиялик 15 нафар денгизчи қўйиб юборилди
Бу ҳақда Туркия ташқи ишлар вазирлиги маълум қилди.
Mozart кемаси денгизчилари Гвинея курфазида қароқчилар томонидан ўғирлаб кетилган эди.
“Озодликка чиқарилган денгизчиларни Истанбул аэропортида мамлакат ташқи ишлар вазири Мевлют Чавушўғли кутиб олди”, деди вазирлик вакили журналистларга.
23 январда Либерия байроғи остида сузаётган Туркиянинг Mozart юк кемаси Гвинея курфазида қароқчилар ҳужумига учрагани ҳақда хабар тарқалган эди. Ўшанда қароқчилар томонидан кема экипажининг 15 аъзоси ўғирлаб кетилгани айтилди. Шу куни денгизчиларнинг бири ҳалок бўлган, уч нафари кемада қолдириб кетилган. Кейинчалик қароқчилар қўлида ҳалок бўлган денгизчи Озарбайжон фуқароси экани маълум бўлди.